حبيتك و تمنيت تكون سعدي و هنيا

حبيتك و ختاريتك مابين هذ الناس كامل تكون حبيبي و ديما معايا

كنت فرحتي لتزهيلي حياتي ...كنت ضحكتي لتنورلي عياني

كنت الشمعة لتنورلي طريقي... كنت الشمس لتضويلي نهاري ...كنت لقمر لتونسني في ليلي

كنت خويا لخاف عليا كنت بابا لينصحني و حنين عليا

سكنتك قلبي و هبتك عمري باش تبقى ليا وحدي

كنت ستر و غطى عليك نخاف بزاف عليك ... تغيب ثانية عليا قلبي يولي ملهوف عليك

كنت نحب بزاف نسقسي عليك من كثرت حبي ليك 

قتلي أنا قليل معندي منعطيك في هذ الدنيا قتلك منحتاج والو غير حبك و رضايت الوالدين 
كنت نحيها من روحي ونزيد فيك ونقول هو حبي ليحبني و محال يسمح فيا 

حطيتك تاج فوق الراس تمنيتك حلالي نتبها بيه قدام ناس نقول هذا حبيبي غالي و سيد الرجال لجاء النهار نوضتني فيه قتلي نوضي يا طفلة هذا غير منام 

هذاك نهار عرفت الحب في هذا الزمان غير اوهام و تعيشو غير في الاحلام 

نصيحة مني لكل وحدة بلاكي ديري ثقة و تأمني في كلام الرجال 

قد ميقولك نحبك و نموت عليك و يجي نهار و خليك وحيدة تبكي عليه وهو يعيش حياتو و ميدهاش فيك 

يجيك بصفة ملاك و هو ذيب حاب ياكل من لحمك و يرميك 

يختارلك السبة لخرانية باش برد رحو هو الضحية مشي و خليك 

يكون جلادك في هذه الدنيا كل متجي تنسايه تتفكري المارة لفيك 

كامل عندهم قلوب و قليل لعندو ضمير يخمم في بنت الناس قد متكون مرأة و فحلة معاه يخرج رخيس و ميسواش 

يخاف على أهله بصح مخافش على الطفلة لتكون تحبو و تعطيلو سنين من عمرها ديما هي تكون نية و في تالي غير هي الضحية 

من الاول كنت عارفة لحكاية كفاه راح نخلاص كانت باينة قدام عينية من حبي ليك كنت عمية قلبي و نأمن فيك نكذب على روحي نقول يحبني و هذا غير وسواس

أه يا دنيا حني قلبك عليا غير شويا و هاليني نحكيلك على زماني واش دار فيا 

زماني زهاني و فرحني بزاف و ليوم دار عليا كون عرفت الفرحة توليلي بكية كون كويت قلبي ميات كية 

زماني غدر بيا رماني في بير غامق و سمح فيا نتخبط في مواجو و شكون الي بيا 

زماني عياني و بكاني سرقلي فرحتي و أحلامي 

زماني ضربني بموس حافي في قلبي باقي يوجع فيا 

وقتاه يادنيا جرححي يبرا و تولي يامي

زماني داني بعيد و رماني وحيدة نبكي على لفات من يامي 

معرفتش يا دنيا أنا لكنت نية و لا هذا مكتوب عليا 

أنا حكيت على زماني لكساني و عداني موليت عارفة واش جرالي 

كل واحد و حكايتو في هذه الدنيا الصعيبة و غدارة نهار تبكيك و نهار تزهيك 

Mais ديما تفكروا كلمة الحمد الله هي لتزهيكم 

أنا رفدت يديا لربي عالي و ترجيتو يلطف بحالي 

الحمد الله على كل شيئ

حبنا مات تقتل بلا سبة تحت تراب يبكي على لفات

صاي لحكاية خلاصت قبل ماتبدأ كلشي فات طفات الشمعة لتنور لحياة غير قولي كفاه قدرت تنسى 

مقدرتش أنا ننسى لتمنيت نكمل معاه لحياة 

مقدرتش نزيد نخبي لي في قلبي انت لكنت نقول محال نتفارق معاه للممات 

وين راح الوعد وين راحو ذوك ليمات مزال جرحك ينزف و بدمو راني نكتب هذا كلام مانيش عارفة و قتاه يبرى و يتلم و نقدر ننياك 

حاسة روحي تايهة في وسط لبحر مزاني نقاوم و خايفة يجي نهار نعيا و نفشل 

مزال عندي أمل في هذه الدنيا ترجع الفرحة لقلبي و عياني 

مزال صورتك بين عينيا مزال صوتك في و ذنيا غير قولي كندير باش ننساك 

عيت من قلبي الي فيك يخمم عيت من الدمعة لكل ليلة عليك تنزل 

مانيش قادرة و الله نأمن كامل لجرى كذبة و لا راني غير نحلم 

كل يوم فوت عليا نستنى رجوعك ليا نغمض عينيا و كل نهار هكذا لصار هذه الشئ حلم 

خايفة من ليام تعدي و تفوت و أنا نتعذب من حبك لمحبش بعد عليا 

علبالي مانيش في بال كما القلب مات من جيهتي قدرت تنساني غير قولي كفاه قدرت بلاك نعاندك و ننساك 

يقولك يقدر الواحد ينسى الورد لشمو Mais محال يقدر ينسى إنسان ماشي في دمو 

غير قولي كفاه ننساك و أنا لوعدتك نكمل حياتي معاك

الى كل فتاة عاملة علاقة مع واحد

إلى كل فتاة سلم عليها حبيبها

إذا قلتيلي هذاك حبيبي باسني لخاطر يحبني

نتحداكي تسقسيه هذ السؤال

تقبل واحد يسلم على أختك و لا بنتك

غذا قالك إيه فهو شخص ديوث لا غيرة له على أهليه و إذا بدى يتهرب من الإجابة فهذا دليل أنو ميقبلش

إذا رد عليك ب لا منقبلش معناه راه يشوف فيك رخيصة ما نسوايش لخاطر واش دار معاك ميرضاهش لبنتو و لا أختو

Mais قبل يسلم عليك انت

تعرفي شكون يقبلو على رواحهم هذ الشيئ يبعو رواحهم بأرخص الأثمان لتلقايهم في الة بمختصر بائعات الهوى 

و أنت بعتي روحك باطل مقابل لا شيئ تحت ما يسمى بالحب 

علبالي راكي مصدومة من واش أني نقول مي هذا الواقع لرانا عايشينو و لازم نعرفيه 

ليحبك يجي لباب الدار هذا لراه يدي و يجيب فيك يحب أختو و لا بنتو تتزوج و تتستر ملا قوليلو كما تحب ليهم حب ليا 

حابة نسقسيك يجي نهار تكوني أم إن شاء الله تقبلي بنتك يتعملها هاك أكيد لالا 

ملا علاه ترضايها ضورك على روحك 

نظن وعيتي لواش كنت نقول متكونيش رخيصة متكونيش ساهلة لهوى لجاء يديك متخلي حتى واحد يستغلك و يلعب بيك 

تبعي كلام ربي و أخطيك أنت غالية متخلي حتى واحد يمسك غير في لحلال 

أصبري الحلال أجمل بإذن الله 

إن شاء الله Message يوصل لبنات كامل

بكيت على لخدعني و نساني عذبني و لعبلي بقلبي شوكاني 

بعد معشقتو مشى عليا و خلاني 

خلاني نسوفري و نعاني نبكي على لضاع من يامي 

حبيتو كثر من روحي حيبتو الحب الرباني لميفهموش غير لعشق بحالي 

هذاك الإحساس الدخلاني لداري بيه غير ربي عالي 

بكيت على لعطيتو قلبي و حياتي و درت فيه النية و حطيتو ممو عينيا 

بكيت على لقالي نحبك و نموت عليك و أنت هي حبيتي لمنقدرش نعيش بلا بيك

واش داني نأمن في كذبو واش داني نمدلو قلبي و ضورك أني نعاني 

جرحلي قلبي و كواني و اليوم عداني بعد مكان حبيبي الغالي لكان يقول محال نخليك و حيدة يالحبيبة ديالي 

عمري مضنيت لبغيتو و عطيتو قلبي يخرج قاسي و عدواني يخليني نبكي عليه بلعاني 

وهو هاني عايش حياتو ماشي سامع بلي جرالي 

نقولك حبك بليا ربي بها بلاني 

الحمد الله معايا ربي يهنيني من حبك يا أناني 

و دور عليك ليام و تولي تترجاني 

يكون فات فوت و تبقى تتحصر على لضيعتو من يدك يا براني 

نقولك روح و إن شاء الله تجيك من عند ربي يا شراني 

أنا نوكل ربي سبحانو فوقاني

الحب تبدل كي كان كي ولى كان بقيمتو كان صادق و ليوم ولى لعبة 

الحب زمان كان من القلب و اليوم ولى من لسان 

زمان كان الراجل إذا حب لمرأة ضحى بالغالي و الرخيس باش يتزوجها و اليوم إذا حب الراجل لمرأة تضحي هي بالغالي باش يسترها 

كان الحب زمان يوصل لدرجة الجنون و اليوم و لى لعبة و شكون فيها المجنون 

كانت المرأة إذا بغات يبان في وجها و عينها و تصرفاتها و اليوم ولى يبان الحب في mini و صروال Siri وles message  و Facebook 

كان الراجل زمان إذا بغا لمرأة ميعرف حتى و حدة Apar هي Mais ليوم إذا بغها يتعرف على صحباتها 

كان الحب يمات زمان le bute نتاعو زواج Mais ليوم ولا le bute نتاعو خرجات و الزهو وين اليوم تبات 

كان زمان لمرأة يعجبها في راجل رجولته و شجاعته و أخلاقو Mais اليوم يعجبها في الراجل شكلو كيف داير و سروالوا طايح و كفاه خدم شعروا 

كانت غيرة الرجل زمان دليل على حبه و رجوليته Mais اليوم ولات دليل على تخلفه و شكو

كان الراجل زمان يشوف حبيبتو في منام Mais ليوم يشوفها في Les Hotels

كانت لمرأة تختار شريك حياتها ولد فلان Mais ليوم تشوف واش عندوا متريال

نقول معرفناش العيب فينا و لا في هذ الزمان

فاض القلب و عمر البير و سقيت بيه كل عطشان لهمو كما همي 

موليتش نعرف الراعي من السراق و مين يبدأ الصح وين يخلاص الكذب و نفاق 

الله غالب تخلطو لمعاني تخلاط كلش تبدل و سماط 

الحمد الله قلبي فاق بصح بعد مالقيت الزمان كواني و ضاق بيا 

أنا لنستاهل خليت العقل و درت قلبي سباق الحمد الله شدة في ربي هو الرزاق 

الحمد الله كل متضياق بيا ربي فرجها عليا و حتى شدة مدوم مدام الشدة في العالي 

شوكى ليه ما العبد غير يزيد يغمني 

الحمد الله ديما تبسيمة في وجهي و قلبي مليان بلحزان 

الحمد الله على كل حال و مايدوم الحال من محال 

الحمد الله على كل نعمة نعمها عليا ربي 

و لتجي من عند ربي هي لتضر ما عبدوا معندو ميقدر دير إذا ربي مكتبهالكش 

محال حاجة كتبهالك ربي يديها غيرك الحمد الله و الحمد الله هذه الكلمة بزاف تريح 

كتقولها و تعودها بزاف تحس براحة و معنى نتاعها

الليل و حكايات يطيح الليل
يطيح الليل و طيح الدمعة من العين
كاين لي يرقد هاني 
و كاين لي يرقد قلبه مليان بلهموم
يطيح الليل و طيح معاه دمعة ليتيم
لي فقد ميمتو لي فقد باباه و اللي فقدهم في زوج
اللي فقد ميمتو دمعته تحرق قلبه يتوحش لميمة لي مشات و خلاتو
يحكيلها مرت باباه وش عملت فيه
و الدنيا ضاقت عليه محتاج كلمة حلوة منها تنسيه همه
لي فقد باباه دمعته تكويه لي خلاه وحيد يتخبط في الدنيا مكسور لجناح و الخاطر
خصه باباه يساندو
و يوجهه لطريق الصحيح
لي فقدهم في زوج دمعته تشكي على لي بيه
محتاج حد يسول عليه يحس بيه قلبه مليان بلحنانة و عظمه قساح من قسو الدنيا عليه
يطيح الليل و طيح معاه دمعة ليتيم لي وصى عليه ربي
مكانش لي داري بيه ما يحس بيه غير لي كيف بحاله
يطيح الليل و طيح دمعة المظلوم دمعته تشكي للخالق على لي ظلمه و دا من حقه
يطيح الليل و طيح دمعة الزوالي لي غارق في لهموم همه أنه ما عندوش شاد في ربي الرزاق دمعته تشكي من هاذو العباد اللي حقروه ما دارولوش قيمة ولا حساب يشوفوا وش عندك في الجيب
ولا تعود ما تسواش
يطيح الليل و طيح دمعة لفقير لي سلبوله حقه و هو ذنبه لوحيد أنه فقير يخمم منين يجيب اللقمة لوليداته صغار يخمم كيفاش يواجه نور النهار يخاف من الليل و ظلامه
يطيح الليل و طيح دمعة دمعة لمهاجر من بلاده محروم من الوالدين العيشة الهانية دفاء العالية و لمة خاوته ديما
يطيح الليل و طيح دمعة المشتاق لحبيبه قتله لفراق ذنبه الوحيد أنه حب من قلبه و اليوم دمعته طيح
كي عاد وحيد يتفكر واش خلاله من ذكرى تبان غير كي يظلام الليل
كي يطيح الليل نتفكروا الناس كانوا قراب لينا و اليوم عادوا بزاف علينا
كاين لي راهو عند ربي العالي تحت لقبر نقدروا نزوروهم
و كاين لي باعوا الغالي و مشاو بلا ما يسقسوا علينا دقيقة فيهم لي لقدر بعدهم علينا و بيديهم بيدينا و كاين لي نساونا و نكروا عشرتنا قليل لي يفهم هاد الشيء غير لي عاش بحاله

 

كنت نقول ربي هابك ليا مكاش كيفك في هذه الدنيا

 و انت ذيب تلعب بيا  

لوليا ديما نية و كتعشق هذيك هي لبية 

أكتدتلي بلي انا لي كنت في عشقك بزاف نية نأمن في كذبك وأنا مغمضة عينيا 

تفكر نهار لكنت ميتى عليك...تفكر نهار لقبلت نكون معاك ... تفكر نهار دخلت حياتي و خليتك تعرف الصغيرة و لكبيرة عليا 

تفكر نهار لدرت لمان فيك و أنا لكنت محال ندير لمان في رجال 

كنت نقول امن ليا و قلبي بغاك غير أنتيا 

كنت تكذب على روحك و لا عليا 

كنت نقول مبقاوش و لاد لحلال في هذه الدنيا كنت تحكي على روحك و أنا لكنت نية 

بصحتك لعبت بيا و زرعت الدمعة في عينيا و الله ماني مسامحاتك 

كونك هاني تقعد في قلبي لنموت ماشي غرضي عليك بكيت لفراق صعيب ياقلبي و أنت لبغيت 

ماشي ساهل تخليني نتعذب وأنا لعطيتك قلبي و نويتلك الخير 

شراك باغي كثر من هذ الشيئ راك تكوي في قلبي و مزال 

ماشي ساهل شربتلي لمرار شراك باغي كثر من هذ الشئ كويت قلبي كية